Orlando Rakipi theu listën e PS dhe la jashtë Ervin Bushatin, reagon për herë të parë Rama

Kryeministri Edi Rama u shpreh mbrëmjen e sotme në “Opinion” se edhe raporti paraprak i OSBE/ODIHR vlerëson procesin zgjedhor.

Rama u pyet lidhur me Orlando Rakipin, djalin e ish-deputetit Aqif Rakipi, i cili arriti të thyejë herësin dhe të nxjerrë jashtë loje edhe Ervin Bushatin, kreun e degës së PS në Tiranë.

Deklarata e Ramës:

“Edhe në Francë edhe në SHBA ndodh që njerëzit e panjohur të jenë në Parlamentin francez apo Kongresin e SHBA. Ky djali vjen nga komuniteti çam. Mos u çudisni fare vota është përfaqësim. Kuksianët, tropojanët, dibranët votojnë për kandidatë që vijnë nga këto zona. Në Paskuqan kishim një vajzë që ishte nga komuniteti kuksian, i cili ka marrë shumë vota”, tha Rama.