“Largohem nga Kuvendi, jo nga politika”, deklaronte Genc Ruli vite më parë. Nuk u largua nga politika. Qëndroi aktiv duke komentuar sidomos situatën brenda PD, por akuzat ndaj Bashës i zbuti.
Ish-anëtari i Këshillit Kombëtar të Partisë Demokratike, Edvin Kulluri, ka hedhur akuza ndaj kryetarit të Republikës së Re Lulzim Basha dhe anëtarit të Komisionit të Vlerësimit të kandidatëve për deputetë në PD, Genc Ruli.
Rikthimin e Rulit në PD, Kulluri e lexon si një pazar me Lulzim Bashën.
“Aty ka persona të cilët kanë pasur një betejë personale. Në këtë komision ka njerëz që kanë kërkuar të dalin njerëzit e Bashës nga selia e partisë. Nuk dihet arsyeja se pse janë kthyer. Këta kanë dalë kundër tij më parë.
Zoti Ruli ishte kundër lidershipit, tani ka ndryshuar pazari. Ky është pazar. Ku nuk ka principe ka pazare, unë principe nuk shoh. Pazaret i bën familja e Bashës, nuk ka të bëjë PD”, theksoi ai në “Top Talk”.
Diskutime rreth kësaj post