Një person ka humbur jetën dhe një tjetër ka mbetur i plagosur me armë zjarri në rrethana ende të paqarta në Tiranë.
Policia njofton se brenda një makine në rrugën “Shefqet Musaraj”, pranë “21 Dhjetorit” është gjetur i plagosur me armë zjarri një 32-vjeçar, i cili është transportuar në spital ku ka ndërruar jetë. Uniformat blu janë njoftuar përmes një telefonate në sallën operative.
Pak minuta më pas, i plagosur ka mbërritur në Spitalin e Traumës edhe një shtetas tjetër me inicialet M.D, 27 vjeç. Ai ka marrë një plumb në shpatull por ndodhet jashtë rrezikut për jetën. Dyshohet se ngjarjet kanë lidhje me njëra-tjetrën. Dëshmia e tij pritet të hedhë më shumë dritë mbi ngjarjen.
Policia ndodhet në vendin e krimit dhe po punon për zbardhjen e plotë ngjarjes së rëndë.
Diskutime rreth kësaj post