Vendimi i Këshillit të Lartë të Greqisë për zgjerimin e Hapësirës Ekskluzive Ekonomike nga 6 deri në 12 milje në detin Jon, ka ngjallur reagimin e menjëhershëm të Turqisë.
Vendimi ishte marrë më herët, por ka filluar zbatimin nga sot, por krahas Shqipërisë, vendimi i grekëve ndikon më shumë Turqinë, vend me të cilin kanë një rivalitet të fortë për shkak të ishujve vetëm pak kilometra larg tokës turke.
Nisur realiteti i ri që krijon ky vendim, sidomos për ishujt grekë në Egje, mediat turke kanë reaguar ashpër ndaj vendimit në fjalë duke raportuar me fjalët “skandal” në lidhje me çfarë ndodhi sot në Greqi.
“Hurriyet” raporton se njohja e 12 miljeve nga Greqia nuk do të kufizohet vetëm në detin Jon, por në të gjithë ujërat territoriale të Greqisë, duke përfshirë edhe ishujt.
Ndërkohë, media tjetër e madhe turke “Milliyet” i referohet marrëveshjes së Greqisë për delimitimin e hapësirës detare me Egjiptin, gjë e cila hodhi praktikisht poshtë një marrëveshje të ngjashme mes turqve dhe Libisë.
Gazeta “Vatan” i është referuar deklaratave të mëparshme të gjeneralëve turq që një vendim i tillë do të ishte një shkak për luftë mes dy shteteve, ndërsa “Haber7” analizon vendimin duke dhënë alarmin se tashmë Greqia mund ta përdorë këtë si precedent për ishujt përballë Turqisë.
Diskutime rreth kësaj post