Të gjithë po flasin për partinë e re të Jozefina Topallit. Ish-ministri i Jashtëm, Besnik Mustafaj, thotë se e ka pritur me keqardhje vendimin e ish-kryeparlamentares.
Ai tha se nëse Jozefina nuk do të mund të mbledhë të gjithë të pakënaqurit nga Rama dhe Basha, atëherë kjo është aventurë që tregon mendjelehtësi.
“E prita me çudi dhe keqardhje. Partia Demokratike është koalicioni opozitar. Unë parashikoja që krijimi i kësaj analize të shoqërohej me një analizë pse ka dështuar Gramoz Pashko, Dashamir Shehu, Genc Pollo.
Nëse zonja Topalli do të mund të mbledhë të gjithë të pakënaqurit nga Rama dhe Basha, mendoj se do të jetë një punë e dobishme. Nëse nuk i mbledh, atëherë kjo është aventurë që tregon mendjelehtësi.
Jozefina nuk i shmanget dot sintagmës që është një hakmarrje. Ishte propozuar nga demokratët e Shkodrës për të qenë në listën e deputetëve. Në seleksionimin e parë, ne e përzgjodhëm. I shkoi formulari si të gjithë të tjerët. Në stad ishte e barabartë me të tjerët. Jozefina refuzoi t’i nënshtrohet duke e konsideruar komisionin farsë.
Jozefina e di që unë nuk i nënshtrohem askujt. Nuk i takonte të takonte që të më konsideronte farsë. Unë nuk jam bërë farsë e Saliut jo e Lulzim Bashës. Jozefina është skualifikuar vetë”, tha Mustafaj për News24.
Diskutime rreth kësaj post