Tragjedi në Durrës, digjen në banesë trinjakët

Një ngjarje e rëndë ka tronditur Durrësin pasditen e sotme. Mësohet se tre të mitur kanë humbur jetën për shkak të një zjarri të rënë.

Burime nga Durrësi thonë se tre viktimat janë trinjakë të moshës 3-vjeçare. Zjarri mësohet të ketë rënë në banesën e shtetasit G.K rreth orës 17:30. Ngjarja ka ndodhur në Rromanat.

Ende nuk dihen shkaqet e rënies së zjarrit në shtëpinë përdhese.

Njoftimi i policisë:

Më datë 20.09.2017, rreth orës 17:30, në Rromanat në banesën private të shtetasit G.K. ka rënë zjarr.

Fatkeqësisht brenda në banesë kanë qenë vetëm 3 fëmijë të mitur, trinjakë të moshës 3 vjeç, të cilët kanë ndërruar jetë.

Grupi hetimor ndodhet në vendngjarje, të cilët po punojnë për zbardhjen e rrethanave të ngjarjes.