Studentët i’a dalin me një pikë, Rama premton përgjysmim tarife në janar

Kryeministri Rama ka premtuar përgjysmimin e tarifës së studimit për studentët e universiteteve publike në të gjithë Shqipërinë.

Deklarata u bë sot gjatë një takimi me pedagogë dhe disa studentë të Universitetit Bujqësor të Tiranës ku shpjegoi edhe planin për përgjysmimin e tarifës.

“Në janar do të paguani gjysmën e tarifës. Nëse këta të universitetit të kërkojnë më shumë hajde tek unë me megafon në dorë. Ca duhet të them më shumë nuk e di. Ja ku e keni premtimin e parë. Unë jam këtu me zë dhe me figurë dhe po ua them qartë. Paratë universiteteve për tarifat tuaja, do ti japim ne, qeveria”, tha Rama. /albeu