Avokati Spartak Ngjela u shpreh sot në emisionin ‘Pikat mbi i’ se Basha tashmë është ftuar nga Uashingtoni dhe se SHBA-të e dinin se PD drejtohej nga Berisha, por e prenë këtë dualitet. Për Ngjelën takimi i stisur Basha-Balla-Veliaj është nën presionin e humbësit nga Berisha.
Deklarata e Ngjelës:
“Nuk kanë pasur marrëdhënie me Uashingtonin, këta, PD. Kurrë. Tani është ftuar Basha. Ata e dinin që partia drejtohej nga Saliu. Ata dinë dhe pulat e lagjes sime. Atë dualitet ata e prenë. Shenjat janë u duhet PD-ja për interesat e tyre në BP. Po s’mund të lënë ata një parti 20 vjet. Po bëjnë gjithë lojën që PD me Bashën të vijë në pushtet. Këtë tjetrin nuk e pranojnë. Ka pragmatizëm në optikën e PD-së, ç’rëndësi ka nëse ke dashuri për Saliun. Politika është pragmatizëm, mbi të gjitha është interes. Unë vura re që ata e pritën me entuziazëm largimin që i bëri Basha Saliut. Politika amersikane nuk ndryshon, është e ngrirë me 50 gradë minus. Ndryshoi gjë politika e Trumpit. E kanë doktrinë ata absolute. Ne si shoqëri kemi një ngërç, kemi vetëm të majtë. Ka vetëm parti të majtë. Partia e djathtë ishte inekzistente. Basha e mori këtë iniciativë dhe me 1/3 e forcës shpirtërore e përjashtoi Saliun nga grupi parlamentar. Ai nuk diti ta trajtojë sepse ndjeu rrezikun. Basha po tenton drejt skakierës lart. Çfarë të keqe kanë këta që Basha të vijë në pushtet, këta thonë nuk mund të vijë në pushtet se është i bashkuar me Ballën. E kuptoni çfarë logjike, vajti u takua me Ballën në një rast vdekje. E gjithë kjo është nën presionin e humbësit.”, u shpreh Ngjela.
Diskutime rreth kësaj post