Ish-kryeministri Sali Berisha, i ftuar dje në një studio televizive, e ka cilësuar një akt të paprecedentë dhe jashtë çdo standardi betimin e Arta Vorpsit para një noteri. Sipas Berishës, me një akt të tillë, të cilin ai e konsideroi veprim të një militanteje të verbër, Vorpsi duhet të largohet nga sistemi i drejtësisë dhe ti futet politikës.
“Situatë e paprecedentë për një shtet, ku as humoristët më të shquar, as Agim Xhafka nuk mund ta imagjinonte se mund të ndodhte. Një kandidate për Gjykatë Kushtetuese zgjedh noterin për të bërë betimin kushtetues. Një akt që del jashtë çdo lloj standardi. Nga të gjithë kandidatët që qarkullojnë aty është Arta Vorpsi dhe kam patur mendim pozitiv, por me aktin e sotëm dua t’i çoj vetëm këtë mesazh: Në rast se ta ka ndikuar Rama nga Londra këtë skemë për të poshtëruar Presidencën, është keq, por në rast se e ke bërë vetë, është shumë keq. Akt i një militanteje të verbër, duhet të largohet një herë e mirë e të futet në politike”, u shpreh ish-kryeministri Berisha.
Mes të tjerash ish-kryeministri Sali Berisha hodhi akuza të forta drejt kreut të Këshillit të Emërimeve në Drejtësi, Ardian Dvoranit. Sipas Berishës, Dvorani është njeri pa dinjitet dhe e futi Gjykatën Kushtetuese në një krizë të turpshme.
“U vu re se gjithë problemi është këtu, u vu në krye të KED një njeri i shquar për një amoralitet total profesional. Njeri pa dinjitet dhe pa karakter se në origjinë të kësaj që ndodh është zbatimi i urdhrave që ai bën dhe e futi vendin në një krizë të turpshme. E bëri me një zotim me Edi Ramën që t’ia marrim Ilir Metës kandidatin. Atëherë si duhet të arrinim këtu. Në shtator, nga 21 shtatori deri në 7 nëntor ky skllav i krimit që quhet Dvoran, ka 100 milionë që nuk i justifikon, ka marrë apartamente dhe miliona euro nga Telekom ky individ që është në kundërshtim me Kushtetutën se nuk është magjistrat merr përsipër të bëjë kurthet e shtetit. Erdhi në KED, në kundërshtim me ligjin, me një tagër që se meritonte kurrë se nuk kalonte vetingun”, tha Berisha.
Ish-kryeministri Berisha e ka konsideruar nul zonjën Vorpsi dhe në të njëjtën kohë edhe këshilltaren që u votua në Kuvend me Besnik Muçin. Sipas tij, Ruçi futi në listë gjykatësin, jo kandidatin Besnik Muçi, se përndryshe kishte vetëm dy dhe i binte lista.
“Përveç asaj zonjës me listën me 3 kandidatura, asnjë tjetër nuk do të legjitimoja aty, do bëja nul votimin ku u fut në listë Besnik Muçi dhe kandidatja e Dvoranit asgjësoi vetë veten, por dilte jashtë çdo lloj mundësie”, tha ai.
Diskutime rreth kësaj post