Autoriteti Rrugor Shqiptar ka njoftuar mbi gjendjen e akseve rrugore në rajonin verilindor pasi ky i fundit gjatë mbrëmjes së kaluar u ‘mbulua’ nga reshjet e borës.
Qarku i Kukësit dhe pjesërisht Dibra patën reshje bore teksa ARRSH thotë se është punuar më intensivisht në akset Pikë-Fushë Arrëz- Kukës si dhe Bulqizë-Peshkopi.
Pavarësisht reshjeve, njoftohet se të gjitha akset janë të pastra dhe qarkullimi vijon normalisht pa zinxhirë.
NJOFTIMI NGA ARRSH:
Njoftim për gjendjen e akseve kombëtare
Në rajonin Verior kryesisht në qarkun Kukës dhe pjesërisht në Diber ka pasur reshje bore 🌨️gjatë natës
Në segmentin Pukë-Fushë Arrëz-Kukës, ka pasur reshje dëbore, është bërë pastrimi dhe shpërndarja e kripës
Në segmentin Bulqizë-Peshkopi ka pasur reshje të dobëta dëbore, rruga është pastruar dhe qarkullimi vazhdon normalisht
Në të gjitha akset kontraktorët kanë punuar me mjete dhe fuqi punëtore për mbajtjen hapur të akseve. Qarkullimi vazhdon normalisht dhe pa zinxhirë në të gjitha akset.
Diskutime rreth kësaj post