Avokati Spartak Ngjela ka komentuar ftesën për bashkëpunim të Ramës kundrejt Bashës. Sipas Ngjelës, nuk është ftesë po është me kusht.
“Bëjmë kompromis, por do largohesh nga Berisha dhe Meta. Politika është kjo pjesa e dytë, largimi i Saliut. Po të ishte larguar Saliu, Rama do kishte rënë 4 vite para. Ramën e mban Berisha dhe Rama iu tregon të tjerëve që Berisha është atje”, – komentoi Ngjela teksa ishte në një lidhje live me “Breaking”.
Sipas avokatit, atje ka një konvergjencë dhe bashkim mendimi.
“Lidershipin e PD nuk e pranon politika amerikane. Këtu fillon loja. Rama ka minimumi 5 vjet që mban Saliun, e mban Rama. Ne nuk e dimë se si do dalin zgjedhjet, por ata të PD-së pikët i kanë të ulëta, nuk ka mundësi të fitojë. Rama në garën mes Selamit dhe Bashës ishte me Bashën, mund të ketë paguar edhe para që të ketë dalë Basha. Ky është një vend ku ndeshen konflikti ruso-amerikan. Minimumi 80 % e korrupsionit shqiptar është me Moskën”, – tha Ngjela.
Diskutime rreth kësaj post