Analisti Alfred Peza i ftuar në emisionin ‘Breaking’ u shpreh se: Basha është kryetar de jure i Partisë Demokratike, Berisha është de facto!
Sipas tij, nuk e di se çfarë do ndodhë brenda PD-së, por dihet se Basha është kryetar de jure dhe de facto është Berisha. Ai shtoi se Basha është marrë peng nga dy lidership të vjetër politik, Berisha dhe Meta.
“Basha nuk mund të bëjë dot ndryshimin për Shqipërinë, kur nuk e bën dot brenda PD-së. Ftesa e Ramës është një komardare shpëtimi për Bashën, nëse ai do të dalë nga peng marrja e lidershipit politik të vjetër. Fatkeqësisht përgjigja e Bashës tregoi se nuk mund të largohet nga ky peng.
Kjo ndihmon edhe votuesin e PD-së. Më duhet të them se nga kjo pikëpamje, e ndihmon votuesin. Katër vite më parë ka pas një realitet ku LSI i mori disa vota PD, me idenë që do të ishte në pushtet. LSI nuk ishte këto katër vite në pushtet, e si rrjedhojë u zhgënjyen.
Mos të shkojnë te partitë e tjera, por të çandra e tyre e madhe politike. E nëse do duan që nesër të bashkëpunojnë me pushtetin, ka ku të shkojnë, e jo të zhgënjehen si katër vite më parë.
Basha ndodhet mes dy zjarreve, ai e di se çfarë do votuesi demokrat dhe e bëri këtë duke mos patur krah, aleatin kryesor, Monika Kryemadhi, kur u hap fushata elektorale. Atë ditë u kujdes që të mbante larg edhe Berishën, që nuk kishte ndodhur kurrë që themeluesi historik të mos ishte në festën e fushatës. Por fakti se e mbajti larg dhe Monikën, do të thotë se Basha e di se elektorati nuk e do LSI. Ai po mban larg edhe aleatët më të vegjël. Ai e di se është i rrethuar nga një lidership i vjetër dhe po mundohet ta nxjerrë vetën të ri. Është fushatë hipokrite dhe nuk e hanë këtë hipokrizi më shqiptarët. I gënjeu njëherë shqiptarët, por nuk i gënjen më. Rama nuk e zgjedh dot se kë do ketë lider opozita, por jep dorën për të bashkëpunuar për pika të caktuara për të mirë të Shqipërisë.
Basha në vetvete mund të ketë premisa për të qenë një lider bashkëpunues edhe me kryeministrin, për të mirë të reformave të ardhshme të vendit. Por mesa duket Basha nuk e arrin dot këtë, dhe kjo i jep nota të një lideri që nuk arrin dot të bëjë vetveten se e kanë në duar të tjerë”, tha Peza.
Diskutime rreth kësaj post