Vjosa Osmani është zgjedhur Presidentja e Kosovës me shumicë votash. Urimet dhe mesazhet kanë qenë të shumta në adresë të saj. Edhe president turk, Recep Tayyip Erdogan, ka uruar Vjosa Osmanin për zgjedhjen në postin e presidentes.
I pari i shtetit të Turqisë ka pasur një bisedë telefonike me Osmanin, teksa e ka përgëzuar për zgjedhjen si presidente e re e vendit tonë.
“Sot e përgëzova presidenten e re të Kosovës, Vjosa Osmani-Sadriu përmes një telefonate. Në bisedën tonë me Osmani-Sadriun diskutuam rreth çështjeve rajonale dhe marrëdhëniet e tyre”, – ka shkruar fillimisht ai në llogarinë personale në Twitter.
“Unë shpreha qëndrimin konstruktiv të shoqërisë turke, një pjesë integrale e strukturës multikulturore të Kosovës në procesin e qeverisë së re dhe zgjedhjet presidenciale”, – shtoi Erdogan.
Gjithashtu, ai shprehu bindjen se miqësitë historike dhe marrëdhëniet e vëllazërisë do të forcohen edhe në epokën e re. “Në bisedën tonë, unë deklarova se bashkëpunimi i shumanshëm midis vendeve tona kontribuon në stabilitetin dhe prosperitetin e Ballkanit”, – përfundoi ai.
Ndryshe, Osmani-Sadriu gjatë mbrëmjes së kaluar ka marr besimin e 71 votave dhe 11 janë shpallur të pavlefshme.
Cumhurbaşkanı @RTErdogan, Kosova’nın yeni Cumhurbaşkanı seçilen Vjosa Osmani-Sadriu ile bir telefon görüşmesi gerçekleştirerek kendisini tebrik etti. pic.twitter.com/5uouCGQeRE
— T.C. Cumhurbaşkanlığı (@tcbestepe) April 5, 2021
Diskutime rreth kësaj post