Plot me kanabis, makina i ikën policisë, përfundon në kanal

Një automjet tip “Golf” i ngarkuar me kanabis është kapur nga policia e Sarandës pranë Bistricës.

Makina ku udhëtonin dy persona nuk i ka ndaluar patrullës së policisë.

Menjëherë në ndjekje të “Golf”-it është vendosur një automjet i policisë.

Gjatë ndjekjes, automjeti i patrullës së policisë e ka përplasur “Golfin” dhe e ka nxjerrë nga rruga.

Gjatë kontrollit në automjet është konstatuar një sasi lënde narkotike.

Në automjet ndodheshin dy persona, të cilët janë arrestuar nga blutë.