Ish ministri demokrat Genc Pollo komenton nismën e Partisë Demokratike për përzgjedhjen e kandidatëve në zgjedhjet e ardhshme.
Në një postim në Facebook ai shkruan se kjo procedurë ka disa anë pozitive. Përveç përfshirjes së anëtarësisë dhe gjallërimit të demokracisë, Pollo arsyeton se filtrohen edhe të papërshtatshmit.
“Procedura e nismuar në PD për kandidatët në zgjedhje jo vetëm përfshin anëtarsinë e gjallëron demokracinë por edhe filtron mirë të papërshtatshmit #dekriminalizimi”, shkruan Pollo.
Pak orë më parë Ambasadorja amerikane Yuri Kim ka paralajmëruar të gjithë partitë të kenë kujdes me kandidatët që do fusin në zgjedhje.
“Ndërsa partitë përgatiten për zgjedhje, liderët do të mbajnë përgjegjësi për ata që garojnë nën logon e tyre. Ju lutemi shqyrtoni kandidatët tuaj“, shkruan ambasadorja Kim në Twitter.
Kujtojmë se procedura e përzgjedhjes së kandidatëve për deputetë brenda PD përfundon në 30 shtator dhe do të bëhet në 4 faza.
Diskutime rreth kësaj post