Përplasja mes perëndimit dhe Kinës për Covid-19! Spahiu del me deklaratën e papritur: Ja çfarë mundësie do sjellë kjo situatë për Shqipërinë

Ish-kreut të Aleancës Kuq e Zi, Kreshnik Spahiu thotë se pandemia e koronavirusit ka sjellë fillimin e një ‘lufte të ftohtë’ mes Kinës dhe SHBA-së dhe se nga ky konflikt mund të fitojë edhe Shqipëria.

“Besoj se kjo pandemi ka sjellë fillimin e një ‘lufte të ftohtë’ mes Kinës dhe SHBA-së. Besoj se luftërave me armë u ka ikur koha, sepse po shikojmë që një lakuriq nate ka gjunjëzuar mbarë botën. Kjo përplasje po vjen për tregje të reja” – tha Spahiu.

Gjithashtu Spahiu tha se tërheqja e kompanive evropiane nga Kina do të jetë një mundësi për Ballkanin Perëndimor dhe Shqipërinë.

“BE po shikon mundësinë për të tërhequr kompanitë e saj nga Kina dhe transferimi i tyre në vendet me krah pune, duke iu referuar vendeve të Ballkanit Perëndimor. Tani sa e aftë do të jetë Shqipëria të marrë kapitale gjermane dhe të vendeve të tjera të BE-së në krahasim me Kroacinë, Serbinë nuk e dimë” – tha Spahiu.