Koordinatori i Bindjes Demokratike, Astrit Patozi e ka cilësuar si një taktikë politike, deklaratën e djeshme të kryeministrit Edi Rama i cili u shpreh pro hapjes së listave.
Në një prononcim për Vizion Plus, Patozi tha se kjo është taktikë politike, me të cilën Edi Rama po provokon opozitën, por edhe ndërkombëtarët.
Sipas tij Rama e ka kuptuar se nuk mund të jetë kundër erës, dhe po kërkon të heqë përgjegjësitë nga vetja.
“Hapja e listave është një taktikë politike. Edi Rama po provokon opozitën dhe faktorin ndërkombëtar. E hedh si tezë e tërhiqet në fund duke mos marrë përgjegjësitë.
Rama mesa duket e ka kuptuar se nuk mund të jetë në ndryshim me eren dhe era është për hapjen e sistemit.
Ne mendojmë se vetëm hapja e listave është i pamjaftueshëm, por është një hap në drejtimin e duhur.
Por, hapja e listave duhet shoqëruar edhe me korrigjim kombëtar dhe depolitizim të komisioneve” – tha Astrit Patozi.
Diskutime rreth kësaj post