Thonë se diku në një cep të botës gjendet një person i ngjashëm si ne, mirëpo jo të gjithë kemi fatin ta takojmë apo thjesht ta shohim, ndonëse ky ‘’rregull” mesa duket nuk vlen për Xhemi Shehun. Teoria e të ngjashmit, ngjashmes, ose shkurt sozisë, nuk është edhe aq e gabuar sa mund të mendoni pasi ekziston një numër i caktuar i gjeneve që ndikojnë në formimin e fytyrës sonë dhe për këtë është e mundur statistikisht që këto të kombinohen në një mënyrë të ngjashme për të krijuar dy, ose më shumë, njerëz të ngjashëm.
Ndërkohë që ju mendoheni se ku mund të jetë binjaku, binjakja juaj e panjohur,moderatorja e njohur e ‘’Portokalli-së” jo vetëm që është ulur për të pirë një gotë me të, por ka ndarë edhe foton e tyre në Instagram, duke turbulluar në këtë mënyrë të gjithë.
Pas një sezoni të ngarkuar televiziv, Xhemi po shijon ditët e para të gushtit në jug të Shqipërisë, duke bërë ndalesën e parë në Dhërmi ku edhe ka takuar sozinë e saj, e cila për të hir të së vërtetës nuk është edhe aq e panjohur për publikun, sidomos pas martesës me aktorin e humorit, Gaza Paja. Bëhet fjalë për Ira Seferin, e cila edhe pse nuk ka lidhje gjaku me Xhemin, duket kopje e saj. Fansat e Xhemit kanë reguar menjkherq, duke shkruar “Si binjake”, “Sa ngjani”, “Si dy pika uji” etj, dhe sa më shumë e shohim foton, aq mb tepër bindemi se dy biondet bukuroshe janë thuajse identike.
FOTO:
Diskutime rreth kësaj post