Avokati i njohur Spartak Ngjela ka është shprehur se 10 % të votave të opozitës ia humbi Meta. Ngjela shprehet se është koha që e djathta të marrë pushtetin, me pretendimin se nuk ka qenë ndonjëherë në pushtet por kanë qenë ex-komunistat.
“Kjo është një goditje e madhe psikologjike për Bashen, Metën, Kryemadhin. Këtij presidentit i frenuan sjelljen. 10 % të votave të opozitës ia humbi Meta. Këto zgjedhje u bënë pa u eliminuar kokat e korrupsionit. Do eliminohen në vijim se kështu thotë Washingtoni.
Tani ka ardhur momenti që e djathta të marrë pushtetin. Nuk ka qenë ndonjëherë e djathta në pushtet, unë habitem me ju. Nuk ka qenë ndonjëherë e djathta, ka qenë ex-komunist. Ka ndodhur një shok i madh nga kjo pseudo e djathtë që po mendohet. A do ta lejojnë strukturën e djathtë nga bota akademike që të ndërtojnë një parti liberale të ekonomisë së tregut për të futur kapitalizmin real. Nuk e di a do e kapë brezi ynë”, – tha Ngjela në Open.
Diskutime rreth kësaj post