Presidenti Ilir Meta është shprehur skeptik për punën e Ministrisë së Arsimit, pas vendimit të hapjen e shkollave. Ai thotë se shpreson që të ketë bërë detyrën e saj dhe jo thjeshtë propagandë, teksa risjellë në vëmendje largimin e të rinjve.
Në ditën e parë të shkollës, Meta thotë se duhet punuar shumë fort që atyre t’i jepet një shpresë për të qëndruar në atdhe, pasi sipas tij gjatë kësaj qeverisje kjo shpresë është thyer.
Por çfarë shprese mund të krijosh kur vetë Kryemadhi dhe Meta, në fakt të tre fëmijët e saj po i arsimon jashtë vendit.
Nëse shohim deklarimet ndër vite të pasurisë të zonjës Kryemadhi, e sidomos ato të vitit 2017, rezulton se kryetarja e LSI dhe presidenti Meta shpenzojnë 140 mijë paund ose 160 mijë euro për të shkolluar fëmijët në Londër.
Këto detaje ua kanë vënë në pah dhe komentuesit në postimet e tyre në rrjetet sociale.
Diskutime rreth kësaj post