Presidenti Ilir Meta duket se ka marrë rolin e prokurorit përsa i takon monitorimit të procesit zgjedhor. Me anë të një postimi në rrjetet sociale Meta u shpreh se rritja ka kapur kulmin duke shënuar një rekord që në 2015, ndërsa thotë se të gjitha janë punësime në këmbim të votave. Teksa përmendi të dhënat nga burime mbi punësimin ai u shpreh se numri i të punësuarve në administratë ka shkuar rreth 182.5 mijë perona.
“Në kushtet kur ritmet dramatike të shpopullimit të vendit nuk i ndali as pandemia, fryrja e administratës shtetërore me punësime të reja fiktive në prag të zgjedhjeve të 25 prillit ka përparuar ndjeshëm. Sipas të dhënave nga burimet administrative mbi punësimin ( listë-pagesat nga Drejtoria e Përgjithshme e Tatimeve) në tremujorin e fundit të vitit 2020 numri i të punësuarve në administratën shtetërore arriti në 182.5 mijë persona, duke u shtuar me rreth 10 mijë vende, në raport me tremujorin e mëparshëm”, tha ai.
Ndër të tjera, Meta u shpreh se këto vende të reja të punës janë në kundërshtim me ligjin. Ai theksoi se koston e këtyre shpenzime janë shqiptarët ata të cilët do ta paguajnë.
“Të dhënat nga terreni flasin hapur për krijimin e vendeve të reja fiktive të punës në kundërshtim me ligjin, vetëm për qëllime elektorale, në këmbim të votave më 25 prill. Barra e këtyre shpenzimeve të papërgjegjshme bie mbi të gjithë qytetarët e Shqipërisë, të cilët me taksat e tyre detyrohen të paguajnë fryrjen artificiale të administratës. Koston e punësimeve elektorale e paguajnë direkt edhe bizneset, që për shkak të pandemisë ndodhen në kufijtë e mbijetesës, në mungesë të një mbështetjeje financiare nga shteti”, tha Meta.
Sakaq, Meta theksoi se rritja e këtyre punësimeve tregon se degradim të administratës. Ai u shpreh i bindur se më 25 prill shqiptarët do të marrin pjesë në referendumin historik për të ndëshkuar degradimin e administratës dhe për të realizuar kapjen e shtetit.
“Përdorimi i shtetit për qëllime elektorale është një tjetër dëshmi serioze dhe skandaloze e degradimit dhe e komprometimit të reformës në administratën publike nga ana e Kryeministrit ende në detyrë. Më 25 prill jam i bindur se të gjithë qytetarët shqiptarë do të marrin pjesë masivisht në referendumin historik për të ndëshkuar njëherë e përgjithmonë degradimin e administratës, shpërdorimin e taksave dhe buxhetit, si dhe për të realizuar kapjen e shtetit”, bëri me dije Meta.
Diskutime rreth kësaj post