Me shumë gjasa, koronavirusi do vazhdojë të përhapet nëpër botë edhe për 18 muaj deri në 2 vjet. Virusi pritet që të vazhdojë të qarkullojë derisa rreth 60-70 për qind të popullsisë së botës të jetë infektuar.
Një ekip ekspertësh të pandemive publikuan një raport të martën, ku shprehen se me shumë gjasa, koronavirusi do vazhdojë të përhapet nëpër botë edhe për 18 muaj deri në 2 vjet dhe pritet që të vazhdojë të qarkullojë derisa rreth 60-70 për qind të popullsisë së botës të jetë infektuar.
Ata rekomanduan që SHBA-të të përgatiten për skenarin më të keq të mundshëm që përfshin një valë të dytë të epidemisë në vjeshtë dhe në dimër. Gjithsesi, edhe në skenarin më të mirë, pritet që njerëz të vazhdojnë të vdesin si pasojë e virusit.
Mike Osterholm, i cili drejton Qendrën për Sëmundje Infektive në Universitetin e Minnesota-s u shpreh:
“Kjo nuk do të ndalë derisa të ketë infektuar 60-70 për qind të njerëzve. Ideja që kjo situatë mund të mbarojë së shpejti sfidon mikrobiologjinë.”
Osterholm prej 20 vitesh shkruan rreth rreziqeve të pandemive dhe ka këshilluar disa presidentë.
Diskutime rreth kësaj post