Kryetarja e bashkisë së Durrësit, Valbona Sako ka dhënë mëngjesin e së dielës dorëheqjen pak ditë pas tërmetit shkatërrues. Dorëheqja e saj ka ardhur pas deklaratës që çuditi të madh dhe të vogël, duke thënë se ishte e kënaqur me vetëm 50 viktima, se mund të kishte edhe më tepër.
Por, kujt i takon tashmë detyra të marrë pozicionin e Kryetarit të Bashkisë?!
Sipas ligjit për vetëqeverisjen vendore, pika 5 e nenit 61, thotë se: Me përfundimin para kohe të mandatit të kryetarit të bashkisë, sipas këtij neni, deri në zgjedhjen e kryetarit të ri, funksionet e tij i kryen zëvendëskryetari i bashkisë. Në rastet kur ka më shumë se një zëvendëskryetar bashkie, këshilli përkatës, me shumicën e votave të numrit të përgjithshëm të anëtarëve të tij, cakton një nga zëvendëskryetarët të kryejë funksionet e kryetarit deri në zgjedhjen e kryetarit të ri.
Durrësi aktualisht 4 nënkryetarë bashkie, pra ligjërisht Këshilli Bashkiak duhet të zgjedhë njërin prej tyre deri në organizimin e zgjedhjeve në këtë njësi vendore, nga ku do të dalë edhe kryebashkiaku i ri.
Por gjithashtu përflitet për një tjetër emër, atij të ministrit të Bujqësisë, Blendi Çuçi, të cilin Rama e ka vendosur edhe si ministër fuqiplotë për menaxhimin e situatës pas tërmetit. Si pasojë e Gjendjes së Emergjencës, ekzistojnë edhe të drejtat ligjore që kjo të ndodhë.
Diskutime rreth kësaj post