Drejtuesja e Lëvizjes për Ndryshim, Jozefina Topalli u shpreh se sot Shqipëria drejtohet nga njerëz të pa shkolluar dhe pa vlera në shoqëri. Ajo tha se treshja Rama-Basha-Meta merren vesh mirë bashkë, apo e shantazhojnë mirë njëri-tjetrin duke krijuar një situatë të paprecedentë në politikën shqiptare.
“Ne kemi një qeveri që nuk qeveris, por edhe një opozitë që ka dezertuar nga detyra e saj dhe e ka lënë të lirë Edi Ramën duke ia dhuruar të gjithë Parlamentin, bashkitë dhe Këshillat Bashkiakë. Pra opozita është larguar nga beteja dhe ska më asnjë hapësirë për t’ia kufizuar qeverisë epshin për të abuzuar”, tha Jozefina Topalli për RTSH.
“Ndryshimi bëhet ose duke ndryshuar brenda për brenda një forcë politike, ose duke krijuar një forcë të re.Sepse duke mos pasur alternativë tjetër përveç Lulzim Bashës, Ilir Metës dhe Edi Ramës, ekziston rreziku që qytetarët rrijnë në shtëpi dhe të mos votojnë”, u shpreh Topalli.
Diskutime rreth kësaj post