Opozita bashkohet në një koalicion të madh. Lulzim Basha fut në listat e PD, të gjitha partitë e vogla aleate me përjashtim të LSI. Kjo e fundit garon e vetme, përveçse në Kukës e Dibër.
Analisti Arjan Curi u shpreh se ka informacione nga vet krerët e LSI është këmbëngulur të hyjnë me lista më vete.
Deklarata e Çurit:
“Unë mendoj që vet LSI ka dashur të hyjë në lista me vete. Kam informacione dhe di që nga vet krerët e LSI është këmbëngulur të hyjnë me lista më vete. Së pari, ata pretendojnë se s’mund të hyjnë në garë me njerëz që nuk kanë vota dhe ata pretendojnë që kanë vota. Së dyti, LSI mund të bëjë aleanca të lira fluide mbas zgjedhjeve në bazë të interesit, nga ana që shkon LSI shkon dhe pushteti.
Rama arriti t’i mbajë në pragmatizëm. Duke qenë në lista të ndryshme, mund të ndodhi që numrat t’i detyrojnë të lëvizin…. LSI-në e shkatërroi ndjekja e valles së PD për të djegur mandatet. Së dyti, do e shkatërrojë fakti nëse vazhdon të jetë në opozitë. Unë e shikoj daljen në listë më vete si një mbrojtje… Gjithë loja që bëjnë aktorët sipas meje është të shkrijnë LSI-në”, tha Arjan Çuri për Zonë e Lirë.
Diskutime rreth kësaj post