Kryetarja e Lëvizjes Socialiste për Integrim, Monika Kryemadhi në një takim me banorët e Dermenasit në Fier ka treguar një mënyrë se si të zgjidhet problemi i naftëtarëve të Ballshit.
Kryemadhi tha se zgjidhja mund të gjendet shumë lehtë. Ajo u shpreh se nëse kryeministri Edi Rama dhe qeveria shqiptare, për vetëm tre ditë të mos e merrte taksën e naftës, ky problem do të merrte fund.
Sipas Kryemadhit, çmimi i naftës në Shqipëri është shumë i lartë dhe kjo vetëm për shkak të taksës.
“Sikur vetëm për tre ditë, Rama të mos e marrë taksën e naftës, pasi fiton miliona euro nga ajo. Vetëm tre ditë të mos e merrte taksën, ata naftëtarët, do të dilnin nga greva dhe do të zgjidhej gjithçka”, tha Kryemadhi.
Diskutime rreth kësaj post