‘Goditja’ në zgjedhje që morën Kryemadhi, Meta dhe Sali Berisha, kutitë i nxjerrin “bllof”

Nga 40 të ëndërruara, në 4 të realizuara. Lëvizja Socialiste për Integrim nuk e kishte parë këtë rezultat që prej vitit 2009.

Pas rritjes në dy mandate qeverisës, mandati i parë në opozitë në 12 vjet e ka zhdukur atë nga 8 qarqe.Përveç humbjes së thellë, kryetarja e LSI-së Monika Kryemadhi ka humbur edhe në njësinë 5 në qendrën e votimit 1817 ku krahas Kryemadhit, në të njëjtën qendër votoi edhe Presidenti Meta. Në këtë qendër votimi ka fituar PS me 126 vota, PD 89 vota dhe LSI ka marrë vetëm 18 vota.

PD ka pësuar humbje edhe në qendrën e votimit të ish-kryeministrit Sali Berisha. Ish-kryeministri votoi në shkollën Kosova në 25 prill në qendrën e votimit 1728 ku rezulton që PS të ketë marrë 127 vota, PD 114 vota dhe LSI 14 vota.

Edhe kryebashkiaku i Tiranës, Erion Veliaj ka marrë mbështetjen e socialistëve në Farkë, në qendrën e tij të votimit 2084. Në këtë qendër PS ka m arrë 386 vota, PD 224 dhe LSI 26 vota.

Kujtojmë se kryeministri Rama mori bindshëm votat në Surrel, por edhe kryedemokrati Lulzim Basha fitoi në njësinë ku votoi.