Kryetari i Partisë Agrare Ambientaliste, Agron Duka ka folur në “Log” lidhur me formulën e opozitës për zgjedhjet e 25 Prillit. Duka deklaroi se kjo ndarje është bërë për shkak se në disa qarqe LSI ka vota mjaftueshëm sa për t’i konvertuar në mandate.
Ai shtoi se kjo është një ndarje taktike e menduar nga liderët e partive, por e detyruar për shkak të Kodit Zgjedhor ndërsa theksoi se edhe fushata do të bëhet në mënyrë të kombinuar. Duka u shpreh se në rast se do kishte qenë një proces zgjedhor me sistemin e vjetër të gjitha partitë opozitare do dilnin në zgjedhje me listën e vet.
“Besoj që Rama ka bërë kalkulimet e veta. Ai lloj sistemi favoriozonte koalicionet më të mëdha. Ai i bëri ndryshimet në favor të vet dhe në disfavor të partive të vogla. Siglat tona vihen në rrezik. Në këtë sistem nuk mund të nxjerrësh shumë deputetë. Ne duhet të përshtatemi dhe jemi të detyruar të hyjmë në një apo dy lista.
Ne jemi të detyruar të dalim me dy lista sepse në disa qarqe LSI ka vota për t’i konvertuar në mandat dhe në disa rrezikon. Nëse e gjykon që në Gjirokastër Vangjel Tavo e merr apo jo mandatin ai futet në listë të përbashkët nëse e gjykon që e merr mandatin kandidon si LSI. Duke qenë një forcë e majtë i bën thirrje t’i bashkohen LSI.
Kjo është ndarje taktike. Të detyron kodi zgjedhor nuk ke si e bën ndryshe. Unë di që edhe fushatën do e bëjnë në mënyrë të kombinuar. Ne dalim me dy lista se na detyron Kodi por strategjia është e njëjtë. Të jesh i sigurtë nëse do kishte qenë sistemi i vjetër zgjedhor secili do të dilte me listat e veta. Edhe Basha dhe Kryemadhi kanë qenë në dilemë për këtë gjë. Në disa qarqe që rrezikojnë do i fusin te lista e përbashkët”, tha Duka.
Diskutime rreth kësaj post