KKT miratoi pak javë më parë leje ndërtimi për një mori kullash të tjera në qendër të Tiranës duke mbytur kështu ajrin për banorët e njërit prej kryeqyteteve më të ndotur në rajon, ndërkohë që pjesa më e madhe e lejeve të dhëna i përkasin pikërisht oligarkëve pranë qeverisë. Në listën e kryeministrit Rama nuk mund të mungonte oligarku i përhershëm Samir Mane, të cilit i është dhënë leja e radhës për një kompleks vilash në farkë. Sipas lejes së miratuar nga KKT, kompania “Rolling Hills By The Lake” sh.p.k. nën pronësi të oligarkut Samir Mane do të ndërtojë një kompleks vilash në Farkë, ndërkohë që shumë banorë të zonës ankohen dhe protestojnë se as nuk mund ta shesin pronën apo ta japin për zhvillim nëse nuk i jep leje oligarku.
“Leje Ndërtimi për objektin: “Kompleks me objekt shërbimi 1-3 kate dhe vila banimi 1, 2 dhe 3 kate mbi tokë, me 1 kat nëntokë, me pishina dhe mur rrethues”, me vendndodhje në njësinë strukturore FA/47, Bashkia Tiranë, me subjekt zhvillues shoqërinë “Rolling Hills By The Lake” sh.p.k”, thuhet në lejen e lëshuar nga KKT. Kujtojmë gjithashtu se Rama në gusht i hapi rrugë betonizimit të “parajsës” për politikanët dhe vilave të tyre në Palasë ku vazhdon të ndërtojë Samir Mane duke betonizuar bregdetin shqiptar. Projekti Green Coast i Manes në Palasë do të vijojë zgjerimin. KKT diskutoi në mbledhjen e fundit dhënien e Lejes së Ndërtimit për objektin: “Rezidencë banimi me 1 deri në 9 kate mbi tokë, 1 deri në 4 kate pjesërisht nëntokë dhe 1 kat nëntokë, Zona G17, Green Coast Resort 2, Palasë, Bashkia Himarë”, me subjekt zhvillues shoqërinë “Green Coast” sh.p.k. Të tjera leje për Green Coast përfshijnë:
-Leje Ndërtimi për objektin: “Green Coast Resort 2, Zona G16, Objekte banimi 1, 2, 3, 4, dhe 5 kate mbi tokë me 1 dhe 2 kate nëntokë, pishina dhe mur rrethues”, Palasë, Bashkia Himarë, me subjekt zhvillues shoqërinë “Seaside Hospitality” sh.p.k.
-Leje Ndërtimi për objektin: “Green Coast Resort 2, Zona G3, objekt banimi dhe shërbime 1, 2, 3 dhe 4 kate mbitokë me 1, 2, 3 dhe 4 kat nëntokë”, Palasë, Bashkia Himarë, me subjekt zhvillues shoqëritë “Seaside Residence II” sh.p.k dhe “Green Coast” sh.p.k.
-Për miratimin e ndryshimeve të projektit gjatë ndërtimit për objektin: “Green Coast Hotel 1, 2, 3, 4, 5, 6 kate mbi tokë dhe 1 kat nëntokë”, me vendndodhje në Bashkinë Himarë, me subjekt zhvillues shoqërinë “Green Coast” sh.p.k.
Favorizimet dhe hetimet e SPAK
Pra, Edi Rama vazhdon të japë prova se gjatë gjithë viteve të tij në pushtet e ka vendosur shtetin në shërbim të bizneseve të Samir Manes. Gazeta “SOT” përmendi në artikullin e fundit rastet që nisin që nga tuneli i Llogorasë, që u ndërtua për vilat e resortet e tij në Palasë, deri te statusi investitor strategjik në Portin e Vlorës dhe ligjet e rregullat e nxjerra apostafat nga qeveria socialiste vetëm për të kënaqur interesat e tyre dhe oligarkut më të madh në Shqipëri. Dosja e“ e zezë” e Samir Manes edhe pse shtohet dita ditës me skandale, përpiqet të mbahet në sirtarët më të thellë ku askush nuk e gjen dot. Por faktet janë aty dhe “peshat e rënda” të drejtësisë kanë futur duart për ta zbuluar.
Edhe pse për drejtësinë e vjetër emri i tij as nuk përmendej kur bëhet fjalë për afera, duke ditur lidhjet e tij të forta me politikën, me SPAK tani nuk bëhet shaka. Prokuroria e Posaçme e ka treguar se nuk pyet për emra pasi ata janë nën patronazhin e amerikanëve. Mane është akuzuar se ka bashkëpunime të fuqishme me politikanë shqiptarë. Një nga ata ishte Arben Ahmetaj, i cili tashmë ndodhet në arrati pasi akuzohet për pastrim parash nga Prokuroria e Posaçme. Në mbi 300 faqe relacion që SPAK ka në dorë për ish-ministrin socialist për pastrim parash dhe shpërdorim detyre, dalin në pah kompanitë e Samir Manes. Nga ana tjetër, tuneli i Llogarasë që u ndërtua për interesat e oligarkut ndodhet si dosje në tryezën e SPAK, po ashtu edhe Porti i Vlorës.
Diskutime rreth kësaj post