Modetarorja Arbana Osmani është kritikuar nga ndjekësit pasi ka ndarë disa foto e video të Jonit dhe mbesës së saj, Kendrës, ku fëmijët shihen duke gatuar. “Shefa të rinj në shtëpi”, – ka shkruar Arbana.
Reagimi i fundit i Arbanës ka lënë të kuptohet se nuk kanë qenë të paktë ata të cilët kanë ngritur si problem faktin se fëmijët mund të digjen në gatim e sipër.
“Nuk janë djegue ndonjëherë dhe nëse ndodh se digjen pakëz, nuk është fundi i botës”, – ka shkruar Arbana. Ajo është shprehur se si prind, zgjedh që fëmijët të rriten duke shuar kuriozitetin për botën që i rrethon, duke i përfshirë në shumë aktive që për shumë prindër mund të konsiderohen si “të rrezikshme”.
“Po, ne gatuajmë bashkë, ata bëjnë rrëmujë, ndonjëherë ndonjë gjë edhe thyhet, bëhen dyfish pjata për të larë dhe patjetër çdo rrobë bëhet pis. Por asnjë nga këto, absolutisht asgjë nuk ka pikën e rëndësisë për aq kohë sa ata kënaqen dhe ndjehen të dobishëm”, – ka vijuar më tej Arbana.
Ndërsa, mesazhin më të rëndësishëm moderatorja e ka lënë për në fund.
“Secili zgjedh të rrisë fëmijët e tij në mënyrën e tij. E rëndësishme është t’i shohim ata të lumtur”, – ka përfunduar Arbana. Dhe ka kaq të drejtë.
FOTO:
Diskutime rreth kësaj post