Dy prej themeluesve të Partisë Demokratike, Genc Ruli dhe Besnik Mustafaj, janë rikthyer në selinë blu, pas më shumë se një viti.
Ata janë takuar me kreun demokrat Lulzim Basha dhe me ish-liderin e Partisë Demokratike Sali Berisha.
Takimi erdhi pas ceremonisë përkujtimore që u mbajt këtë të enjte, teksa u inaugurua busti i ish-kryetarit të Kuvendit të Shqipërisë, Pjetër Arbnori.
Shenjat e afrimit u dhanë që gjatë ceremonisë, kur Basha u fotografua në një shtrëngim miqësor duarsh me Rulin, teksa zhvillonte një bisedë me ish-kryeministrin Sali Berisha.
Të dy politikanët që prej hartimit të listës për deputetë në zgjedhjet e 25 Qershorit, kanë pasur jo pak kritika ndaj kryetarit Basha. Por sot duket se qejfmbetjet janë sheshuar.
Ruli lajmëroi largimin nga politika një vit më parë, por ai nuk e përjashtoi rikthimin.
E pranishme në përurimin e Pjetër Arbnorit në lulishten e Kuvendit, ishte edhe ish-kryeparlamentarja Jozefina Topalli, gjithashtu e lënë jashtë listave, por ende nuk ka asnjë sinjal afrimi ndaj saj dhe kryedemokratit Basha.
Diskutime rreth kësaj post