Analisti Ilir Kalemaj u shpreh se Partia Socialiste është një makineri elektorale e cila sipas tij rotacionin e elitave Rama e ka një metodë të njohur tashmë.
“PS është një makineri elektorale, dhe kështu do vazhdoj s’ka paralele të dytë në politikën shqiptare. PS dhe politikat e kuadrit organizimit, tek praktikat ilegale është gjithmonë 2 hapa para kundërshtarëve të tij politik. Rama ka funksionuar gjithmonë se duhet një rotacion i elitave drejtuese. E ka bërë këtë gjë sepse kanë parë në mandatin e tretë se ka një dobësim të lidhjes integrale mes kryetarëve të PS në rrethe me kryetarët e bashkive. Duke fuqizuar kryetarin e partisë në rrethe, ata forcojnë strukturat në këto bashki përfshirë aty ku kanë kryebashkiak për të cilët nuk janë të bindur”.-tha ai.
Ndërsa lidhur me zërat kundër brenda PS, Kalemaj tha se kjo nuk përbën asnjë kërcënim për Ramën sepse ai i ndryshon vazhdimisht pozicionet e tyre duke rivalizuar njeri tjetrin.
“Mendoj se Rama e kontrollon plotësisht PS sepse ashtu sikundër është i zoti në diversion të kundërshtarit politik, po ashtu dhe brenda në PS. Ata nuk përbëjnë një kërcënim homogjen sepse ai u ndryshon vazhdimisht pozicionet e tyre dhe duke rivalizuar njeri-tjetrin nuk rivalizojnë dot Ramën. Këto kanë bërë që të mos ketë asnjë grup më të fortë se grupimet e tjera. Majko nuk besoj se i prish punë Ramës, më shumë është një figurë honorifike. Mendoj se më tepër i sjell bezdi Xhafaj e Braçe sesa Majko, por nuk ndjehet i kërcënuar’.-shkruan ai.
Diskutime rreth kësaj post