Aksident i rëndë në Pogradec, makina përplaset pranë tuneleve – 2 të plagosur

Aksident i rëndë në Qukës-Qafë Plloçë, dy persona të plagosur

Një aksident i rëndë rrugor është regjistruar të premten në aksin **Qukës-Qafë Plloçë**, pranë tuneleve.

Sipas të dhënave paraprake, në aksident janë përfshirë dy automjete, njëri prej të cilëve me targa greke. Mjetet janë përplasur kokë më kokë.

Si pasojë e përplasjes, **dy persona kanë mbetur të plagosur** dhe janë transportuar në Spitalin e Pogradecit, ku po marrin ndihmën e nevojshme mjekësore.

Në vendngjarje ka mbërritur policia, e cila ka ngritur grupin hetimor për të dokumentuar rrethanat dhe për të përcaktuar shkaqet e aksidentit.

Paraprakisht, dyshohet se në përplasjen mund të kenë ndikuar **lagështira në rrugë dhe shpejtësia e lëvizjes së njërit prej automjeteve**, teksa po kalonte në një urë me kthesë të fortë.

Hetimet vijojnë për të përcaktuar dinamikën e plotë të aksidentit.