Ylli Manjani tregon prapaskenat e forta: Një tjetër shumë të majme mund të detyrohemi të paguajmë

Ish-ministri i Drejtësisë Ylli Manjani shprehet se shtimi i kontratave të koncensionit dhe PPP-ve tregon se administrimi i pasurisë publike gjendet në risk shumë të lartë.

Sipas tij cilësia e dobët e negocimit dhe e përmbajtjes së kontratave të lidhura e ka vënë shtetin në kushte shumë të pafavorshme.

Për Manjanin këto çështje janë alarm i madh jo vetëm financiar, por edhe juridik e ekonomik në vend

Postimi i Ylli Manjanit:

“Makthi financiar “Bechetti” nuk ka mbaruar, për fat të keq…!

Bechetti ishte një dy procese Arbitrazhi me shtetin Shqiptar. Njëri për kontratën e koncensionit të Hidrocentralit të Kalivaçit dhe, tjetri për Televizionin Agon Channel.

Vendimi për të dënuar Shqipërinë me 109 milionë është për mbylljen e televizionit.

Ende nuk ka përfunduar çështja e Hidrocentralit…! Me ç’duket nuk i kemi punët mirë as me atë çështje. Një tjetër shumë të majme mund të detyrohemi të paguajmë edhe prej atij procesi…

Këto çështje janë alarm i madh jo vetëm financiar, por edhe juridik e ekonomik në vend.

Shtimi i kontratave të koncensionit dhe PPP-ve tregon se administrimi i pasurisë publike gjendet në rrisk shumë të lartë.

Cilësia e dobët e negocimit dhe e përmbajtjes së kontratave të lidhura e ka vënë shtetin në kushte shumë të pafavorshme.

Asnjëherë nuk u dëgjua ky argument!”, shkruan Manjani.