Gazetarja Klodiana Lala dhe analisti Artur Zheji komentuan sot në emisionin ‘Pikat mbi i’, rihapjen e çështjes së Fatmir Mediut për Gërdecin.
Klodiana Lala: Mediu ishte në gjykim për shpërdorim detyre në bashkëpunim me persona të tjerë, zyrtarë e ish-zyrtarë dhe persona të tjerë. Kur po gjykohej në 2009 nga Gjykata e Lartë, Mediu ishte me imunitet dhe nuk mund të gjykohej. Gjykata e Lartë e pushoi çështjen. Zamira Durda, zonja që humbi djalin në 15 mars të 2008 nga shpërthimi në fabrikë iu drejtua SPAK me një kërkesë, kërkoi rigjykim të Mediut pasi s’ka më imunitet. SPAK vendosi ti drejtohej Gjykatës së Lartë, dhe vendosi mos e mbajë këtë çështje duke arsyetuar se me ndryshimet e fundit ligjore nuk ishte ajo Gjykata kompetente për fatin e Mediut.
Ia kaloi dje GJKKO. Më përpara gjykoheshin nga Gjykata e Lartë. Sot nga GJKKO. A mundet GJKKO të shfuqizojë një vendim të 2009 nga Gjykata e Lartë? Dhe e dyta GKKO nëse konstaton se ka, a mundet ta rikthejë për hetime të mëtejshme në SPAK, a mund të çelë histori të tjera në lidhje me tragjedinë e Gërdecit? Këto janë pikëpyetje. Personalisht jam shumë skeptike që për këtë dosje të ketë drejtësi. Sepse mendoj që Gjykata e Lartë i mbyllte pa i hapur ‘petët e lakrorit’, por duhet të kishte marrë guximin ta shqyrtonte, të bënte drejtësi e mos bëhej ping-pong. Nuk ka vullnet për të bërë drejtësi për dosje të tilla.
Artur Zheji: Mendoj që mbrojtja në apo pa thonjëza për të mos rihapur çështjen e Gërdecit, ka qenë autoriteti shumë i fortë i mazhorancës. Nuk e di se kush apo çfarë poli i pushtetit, me shpalljen non-grata të Berishës erdhi momenti për të hapur çështjet që më parë ishin ‘’dont-touch’’. Po rishikohen dhe dosje të tjera. Këtu ka politikë, një politikë në zbatimin e drejtësisë. Nuk është bërë drejtësi. Është bërë drejtësi e cunguar.
Klodiana Lala: Duhet të ketë drejtësi, por shkreha skepticizëm.
Artur Zheji: Donald Lu ka thënë peshqit e mëdhenj. Nuk di që peshku të jetë armiqësor, ai është . Nëse mendon se Mediu është peshkaqen ok, por nëse është peshk, le të lundrojë në jetën e vet.
Këtu ka një entitet superior, një karma. Ka një peshore që do vendosë në vendin e vet një drejtësi të grabitur sidomos kur krimi godet fëmijë apo gra të pambrojtura. Ato viktima do të zhvarrosen një ditë, sepse jo vetëm ligji nuk parashkruan, por mëkatet lahen në këtë botë. Nuk është rastësi, që tani po intensifikohet dëshira për drejtësi për çështje që kanë mbi 13 vjet. Këto pastaj me PPP-të këto do të jenë shumë, ndoshta do hapen pas 15 vitesh. Por, do bëhet deti kos.
Diskutime rreth kësaj post