Gazetari Arjan Çani është shprehur se gara për kreun e PD-së do të provokojë ikjen e disa figurave nga kjo parti. Çani tha një intervistë se pas humbjes së zgjedhjeve, pritet edhe një tkurrje e PD-së.
“Nuk ka gjasa që PD të dalë më e fortë nga këto zgjedhje. Do të ketë të ikur të tjerë. Në një të ardhme të shpejtë të ketë një tkurrje të PD.”
Sipas tij, një hapje e partisë në këto zgjedhje do të sillte demokraci të mirëfilltë brenda saj, por kjo nuk ka gjasa të ndodhë.
“Bashën mund ta stresonte më shumë Agron Shehaj. Ai vjen nga radhët e biznesit dhe është i bërë vetë, punon me jashtë, është një personazh që po ta ketë seriozisht një ditë mund të ketë të ardhme. Për mua pavarësisht kush janë emrat që garojnë për të sfiduar Bashën, një gjë po bëhet gabim: duhej hapur loja që të votonin edhe ata që nuk janë anëtarë në PD. Ky do të ishte fillimi i një demokracie të paparë.” – tha ai.
Diskutime rreth kësaj post