Zgjedhjet e 25 prillit, reagon ashpër përfaqësuesi i PD: Mazhoranca ka futur duart në 7 ligje

Sekretari për Zgjedhjet në Partinë Demokratike, Ivi Kaso ka deklararuar se me ndryshimet e njëanshme që po bën mazhoraca, ka hequr garancitë që respektonin standardet e ODIHR.

Sipas tij bëhet fjalë për 7 ligje që shoqërojnë ndryshimet ligjore për të cilat është dakordësuar në Këshillin Politik që të mos prekeshin me forcën e kartonit.

Teksa rikujtoi se palët u angazhuan me shkrim që të mos i ndryshonin këto ligje, përfshirë ndryshimet në kodin penal apo ligji për policinë e shtetit, Kaso ka theksuar se zbatimi i këtyre marrëveshjeve është minimumi që mund të bënte mazhoranca ‘për të treguar se ka disa rregulla të cilat duhen zbatuar përpara se të hyjë në procesin zgjedhor’.