Zgjedhjet e 25 prillit, Jozefina Topalli zbulon qytetin ku do të garojë

Drejtuesja e forcës “Lëvizja për Ndryshim”, Jozefina Topalli tha se ende nuk është përcaktuar se ku do të garojë në zgjedhjet parlamentare të 25 prillit.

Ajo u shpreh se një opsion mund të jetë Tirana dhe se beteja e saj do të përqëndrohet në këtë zonë.

“Nuk është vendosur ende. Pse jo edhe Tirana mund të jetë opsion, edhe qyteti im është opsion, edhe një qytet tjetër. Një gjë është e sigurt që betejën do ta bëj kryesisht në Tiranë, pa lënë mangut asnjë qytet tjetër. Unë në Tiranë do të përqëndrohem dhe pse nuk e kam fjalën vetëm për emrin tim, por zonën ku unë do të bëj betejën”, deklaroi Topalli në emisionin “Quo Vadis”.