Edhe pse Italia është vendi i parë europian, që tani po shmanget më shumë për shpërthimin e epidemisë, sipas një skuadre me mjekë gjermanë, infektimi i parë njeri-njeri në kontinentin tonë ka ndodhur në fund të janarit në Gjermani.
Pacienti i parë i rezultuar pozitiv ishte një menaxher 33-vjeçar që kishte pasur kontakte me një kolege nga Shangai gjatë një takimi në Mynih.
Gruaja nuk kishte shfaqur simptomat deri në ato momente, por i shfaqi pas kthimit në Kinë dhe njoftoi kompaninë.
Takimi i kompanisë është zhvilluar më 20-21 janar në Mynih. Kolegia kineze vizitoi Gjermaninë më 19-21 janar. Menaxheri gjerman pati kontakt me gruan gjatë atyre ditëve dhe më 24 nisi të ketë temperaturë të lartë dhe kollë, por më pas në datën 27 u rikthye në punë, kur u ndje më mirë.
Infektimi i tij ishte i lehtë, pasi koronavirusi iu transmetua në periudhën e inkubacionit, siç shpjegojnë shkencëtarët.
Sipas studimit të shkencëtarëve gjermanë, infektimi i parë, në pacientë pa simptoma ose të lehta ka ndodhur në Gjermani. Ekspertët krijuan hartën gjenetike të virusit, që i çoi në evidentimin e origjinës së tij.
Siç shkruan “Insideover”, virusi italian, i cilësuar si “CDG1/2020” rrjedh nga ai gjerman i shfaqur fillimisht në Bavari, i njohur si “BavPat1/2020”, ose nga një kontakt i përbashkët me kinezen që zbarkoi në Mynih.
Diskutime rreth kësaj post