Yuri Kim i shkon në zyrë Metës, Presidenti paralajmëron lëvizjen e radhës! Ja çfarë do të ndodhë sot në orën 12:00

Ambasadorja e SHBA-së Yuri Kim është duke zhvilluar një takim me Presidentin e Republikës Ilir Meta. Ndërkohë që ditët e fundit në qendër të vëmendjes ka qenë Reforma Zgjedhore, ende nuk dihet se cili është qëllimi i takimit të Presidentit Meta me ambasadoren amerikane Yuri Kim.

Mësohet se Presidenti Meta ka njoftuar gjithashtu se do të ketë një komunikim për mediat në orën 12:00.

Kujtojmë këtu se ditëve të fundit ambasadorja Kim dhe ambasadorët e BE e Britanisë së Madhe kanë mbajtur takime me anëtarët e Këshillit Politik për të diskutuar rreth Reformës Zgjedhore.