Ish-ministri i Drejtësisë, Ylli Manjani ka reaguar ashpër ndaj ambasadorëve në vendin tonë, pas thirrjen së këtyre të fundit për arritjen e konsensusit për Reformën Zgjedhore.
Postimi i Manjanit:
“Jam kurioz këto ambasadorët që bëjnë si negociatorë për disa rrjeshta ligj zgjeshjesh, me çfarë i kërcënojnë palët këto kohë?!
Zonja e Amerikës duhet të ndalë dhunën në vendin e vet ai fillim. Presidenti i vendit të saj jeton në tunelin e sigurisë. Te jetë dule menduar për reformën tonë zgjedhore thua?!
Zotëria i BE-së, që bën sikur po na hap rrugën për në orgazatën që përfaqëson, sheh që vetëm po na shtohen kushtet. E mori detyrën kur kishin vetëm 5 prioritete, pastaj na u bënë 9 kushte sot janë 15. Më duket se u shtua dhe halli i drogës, pra u bënë 16.
Lëvizja e lirë e paralizuar…
Pra Soreca nuk kërcënon më me asgjë në emër të BE-së, se kjo e fundit vetëm na largohet. Ndërkohë BE në vetvete kërcënohet më shumë se kurrë më parë nga vetshpërbërja.
Zotëria nga Britania, nuk është as Amerikë e as Europë. Thjesht Britani.
Pa lidhje me këtë vend.
Ndaj kuriozohem të kuptoj se çfarë thonë, që i bëjnë ata ende “të rëndësishëm”?!
Ç’mesazhe japin këto kohë kur faktet e ngjarjet ulërasin çdo ditë nga vendet që ato përfaqësojnë?!
Nejse, sa më takon vetëm më forcohet bindja se problemet tona do ti zgjidhim vetëm ne vetë. Kur i djallosim, tregon se bashkëjetojmë me djallin dhe ambasadorët nuk kanë asgjë në dorë të na e heqin.
Në fakt kështu ka qenë gjithmonë…” – shkruan Manjani.
Diskutime rreth kësaj post