Ish-ministri i Drejtësisë Ylli Manjani nuk mendon se sot, një ditë para votimeve, ka shqiptarë të pavendosur apo gri, siç thonë teoricienët popullorë. Ai shkruan se shumica dërrmuese e kanë ndarë mendjen që do votojë.
Deklarata e Manjanit:
“Nuk mendoj se sot, një ditë para votimeve, ka shqiptarë të pavendosur apo gri, siç thonë teoricienët popullorë. Pesë me hiç më duket kjo teori. Sot ka vetëm shqiptarë mbi 18 vjeç të vendosur. Dmth janë me mendje të ndarë.
Shumica dërrmuese e kanë ndarë mendjen që do votojë. Të gjithë këta që e kanë ndarë mendjen të votojnë, e kanë ndarë mendjen edhe se kë do votojnë. Nuk ka asnjë dilemë më.
Ata që nuk duan të votojnë, nuk e kanë prej incidenteve të fushatës, as prej mungesës së alternativave, por thjesht e kanë ndarë mendjen të mos votojnë. Pra nuk janë gri. Janë të vendosur.
Ka edhe një pjesë faqezinjsh që kanë ndarë mendjen të shesin votën dhe presin të pafytyrin politik ti trokasë te dera me ca para. Edhe këta e kanë ndarë mendjen të pijnë raki me lekët e votës dhe se qethin fare për demokracinë.Pra nuk ka më të pavendosur.
Ndaj mos bëjm sikur na dhimbset elektorati gri, se nuk ka më gri në këtë fazë. Ka mendjembledhur tashmë”, shkruan Ylli Manjani.
Diskutime rreth kësaj post