Xumi reagon ndaj Eglit: Zoti është i madh

Pas deklaratës së Gjestit në spektaklin e së shtunës se “nuk ndjen asgjë për Eglin”, duket se situata mes dyshes po bëhet gjithnjë e më e tensionuar.

Egli vazhdon të shfaqë përkushtimin e saj ndaj këngëtarit, gjë që ka marrë vëmendjen e publikut dhe ish-banorëve të Big Brother VIP Albania.

Në një video të shpërndarë në rrjet, Egli i shprehet Livias:
“Do ta kap me zor. Nuk rri dot më, po më plas shpirti.”

Kjo deklaratë ka shkaktuar reagime, dhe më i zëshmi ka qenë Xumi, ish-banori që më parë u kritikua për raportin e tij me Eglin.

Në një postim të fundit, Xumi ka theksuar se nëse ai do të ishte shprehur në atë mënyrë për Eglin, do të ishte etiketuar si përndjekës dhe manjak.

Ai kujton sesi, edhe pa bërë veprime të ngjashme, mori sulme të ashpra nga publiku dhe nga vetë Egli gjatë qëndrimit të tij në shtëpi.

“I drejti zhytet, por nuk mbytet! Zoti është i madh!” – ka shkruar Xumi, duke nënkuptuar se karma ka bërë punën e saj dhe se ai tani po sheh të ndodhë diçka që, sipas tij, është e drejtë.