Xum Allushi për Eglin: Nëse do ishte kështu që në fillim, do ta kisha armike

I ftuar në “Big Brother Radio”, në TAR, Xum Allushi foli për rrugëtimin e tij në shtëpinë e Big Brother, ku u shpreh se penalizimi i tij i vetëm ishte fakti që u tregua shumë i vërtetë. Në lidhje me Eglin tha se çdo gjë është mbyllur brenda shtëpisë, ndërsa shtoi se prej ditësh ka shkëputur çdo kontakt me të. Në lidhje me këtë të fundit, ai u shpreh se kishte një ndryshim tek sjellja e saj pas futjes së Gjestit. Më tej, ai shtoi:

Ta kisha ditur që Egli është si 5-7 ditët e fundit, ajo do të kishte qenë banorja më armike me mua aty brenda, sepse unë nuk i dua këto njerëz. Njerëzit që janë interesaxhinj unë nuk i honeps dot.

Pra, ai do të thotë se Egli është interesaxhie?

Nuk është se po e them unë. Janë gjëra që thuhen edhe lart e poshtë. Nuk është se është vetëm opinioni im. Sa pa Gjestin, situatën time e zvarriti.