Vuçiç bojkoton takimin me Kurtin në Bruksel: E pakuptimtë të flas me të

Presidenti serb Aleksandër Vuçiç, ka deklaruar se nuk do të marrë pjesë në takimin që BE, mund të ndërmjetësojë mes tij dhe Kurtit në Bruksel.

Ai tha se është e pakuptimtë të flasë me kryeministrin e Kosovës.

“Unë e konsideroj të pakuptimtë të flas me një person që nuk është i gatshëm të flasë”, tha Vuçiç për gazetarët në Beograd.

Përfaqësuesi i lartë i Bashkimit Evropian për politikë të jashtme dhe siguri, ka ftuar Kurtin dhe Vuçiçin në një takim që është thënë se do të mbahet javën e ardhshme.