Vritet me plumb në kokë 29-vjeçari, detaje të reja për atentatin në Vlorë

Detaje të reja dalin për vrasjen e 29-vjeçarit Vasil Dervishaj, të cilit iu bë atentat teksa ecte me makinë mbrëmjen e të hënës në Vlorë.

Sipas të dhënave, mendohet të kenë qenë tre persona pjesëmarrës në atentat, ndërkohë që rreth 30 metra larg vendit të krimit është gjetur armë tip automatik, për të cilën pritet ekspertiza, pasi mësohet që në vrasje është përdorur pistoletë.

Burime për Top Channel bëjnë të ditur se policia është drejt zbardhjes së vrasjes.

Viktima është qëlluar me plumb në kokë, teksa mësohet se ai ka qenë kontigjent i njohur nga policia dhe i dënuar më parë për trafik të lëndëve narkotike.