Vrau gjyqtaren Fildes Hafizi, ekspertiza: Kasemi ka qenë i përgjegjshëm për atë që po bënte

Fadil Kasemi, autori i vrasjes së ish bashkëshortes së tij gjyqtares Fildez Hafizi ka qenë i përgjegjshëm gjatë dhe pas krimit.

Ky është përfundimi i ekspertizës mjeko-ligjore të Kasemit, që është dorëzuar në Prokurorinë e Krimeve të rënda.

Kryerja e ekspertizës ishte kërkuar nga vetë i akuzuari Fadil Kasemi përmes avokatit të tij, pasi ai pretendonte se nuk ka qenë Ii aftë mendërisht kur ka vrarë ish bashkëshorten.

Ngjarja e rënde ka ndodhur në Tiranë në 31 gusht të këtij viti, ndërsa Fadil Kasemi kishte tentuar dhe dy vite më parë të vriste Fildez Hafizin, pas divorcit me të.

Kasemi u vu në pranga pak minuta pas vrasjes së ish bashkëshortes dhe po hetohet në kushtet e arrestit me burg.