Kryetarja e bashkisë së Shkodrës, Voltana Ademi ka bërë një krahasim mes kryeministrit Edi Rama dhe paraardhësit të tij, Sali Berisha. Ademi tha se Berisha ka qenë një udhërrëfyes i mirë për të.
“Doktori është ndër njerëzit që shpesh në situata të vështira ti drejtohem për konsultim. Në shumë raste ka qenë një udhërrëfyes i mirë. Kemi parasysh se jam brez që nuk i përkas demokratëve të parë. Të gjithë kanë idenë sikur doktor Berisha i një njeriu strikt, të jep imazhin e një personi që ka një karizëm dhe është i fortë, patjetër që është, por në diskutimin e tij hapësira që të le për të folur është magjepsëse.
Duke patur parasysh diferencën që kam me moshën por edhe kontekstin dhe në situata të ndryshme, kjo e karakterizon veçanërisht doktorin”, u shpreh Ademi, ndërsa duke u ndalur te krahasimi me Edi Ramën, kryebashkiakia e cilëson si pyetje të vështirë.
“Jam zhgënjyer edhe për to dy tre gjëra se kam menduar mund të kishte mirëdashjen duke pretenduar se është kryeministër. Nuk e ka bërë këtë, ka rritur dozat të harbutërisë, arrogancës, presionit, mungesës së etikës”, tha Ademi për ‘PolikOn’.
Diskutime rreth kësaj post