Një zjarr i qëllimshëm është vendosur në një lokal gjatë natës në Vlorë, në afërsi të spitalit rajonal.
Pronari i lokalit, 25-vjeçari me inicialet D.D ka deklaruar jashtë kamerës se zjarri është i qëllimshëm, pasi fillimisht është thyer xhami nga pas dhe është hedhur brenda lëndë djegëse.
Ai kishte pak kohë që e kishte marrë me qera këtë lokal, ku çdo gjë është shkrumbuar nga zjarri.
Policia, e cila ka mbërritur në vendngjarje ka marrë në pyetje pronarët si dhe ka sekuestruar pamjet e kamerave të sigurisë të një ambjenti aty afër.
Deri tani nuk ka asnjë të dyshuar për këtë zjarrvënie të qëllimshme, por grupi hetimor po punon për zbardhjen e ngjarjes.
Diskutime rreth kësaj post