Vlora Hyseni lshon deklaratën “bombë” – të gjithë mbetën pa fjalë

Klodiana Lala reagon pas deklaratave të Vlora Hysenit: “Një akuzë e fortë dhe shantazh ndaj gazetarëve”

Gazetarja e News24, Klodiana Lala, ka reaguar pas deklaratave të ish-drejtoreshës së Shërbimit Informativ Shtetëror (SHISH), Vlora Hysenit, e cila u përball me gazetarët në hyrje të Prokurorisë së Posaçme (SPAK).

Gjatë momentit kur gazetarët po i drejtonin pyetje lidhur me mesazhet me biznesmenin Ergys Agasi, Hyseni iu drejtua Lalës me pyetjen: “Klodi, si kalon ti në takime me agjentët serbë në dhomat e hotelit Rogner?”

Pas deklaratës, Lala reagoi gjatë një lidhjeje live në News24, duke e cilësuar atë si një sulm verbal ndaj gazetarëve.

“Ka zgjedhur të kundërsulmojë me gjuhë vulgare ndaj gazetarëve, duke i shantazhuar ata për takime në hotele të ndryshme”, deklaroi Lala.

Ajo shtoi se mbetet për t’u sqaruar se cilave takime i është referuar Hyseni.

“Se për cilat takime i referohet Vlora Hyseni, mbetet për t’u sqaruar kur të dalë, por ishte një akuzë e fortë e lëshuar dhe një shantazh ndaj gazetarëve”, u shpreh gazetarja.

Hyseni është vendosur nën masën e sigurisë “arrest në shtëpi” dhe është pezulluar nga detyra, në kuadër të një hetimi të Prokurorisë së Posaçme.

Sipas akuzave të SPAK, Hyseni dyshohet për veprat penale të përkrahjes së autorit të krimit dhe nxjerrjes së sekreteve shtetërore.

Hetimi lidhet me dosjen ndaj biznesmenit Ergys Agasi, i cili dyshohet nga SPAK për krijimin e një grupi të strukturuar kriminal me qëllim manipulimin e procedurave të tenderimit në Agjencinë Kombëtare të Shoqërisë së Informacionit (AKSHI).

Deklaratat e Hysenit ndaj gazetarëve u bënë në një kohë kur hetimet e SPAK ndaj saj dhe personave të tjerë vijojnë. /Periskopi/